أهم الأشياء لتكون فريلانسر ناجح || 10 خطوات بكل إختصار

السلام عليكم ورحمة الله وبركاته , أعزائي الفريلانسر المبتدئين أو القدامي

, دول شوية نصايح مهمين جداً , لاي حد بدأ الفريلانس أو لسة هيبدأ أو ناوي يبدأ , والكلام الموجود ده بكل إختصار , وشفافية ووضوح وبعيداً عن أي رغي مش في محله , أو لا يمت للموضوع بصلة , وإيماناً مننا بأهمية ذكر المفيد , وأن خير الكلام ما قل ود , وتقديرا منا لجهود السيد الرئيس في مداومة الكلام , ومراعاة من المدونة لوقت سيادتكم الذي يهدر في قراءة مقدمة تافهة لذا إتركها وإبدأ الموضوع :-

1- خليك أونلاين علي مواقع العمل أطول وقت ممكن .
2- قدم عرض قوي للعميل لإرضائه وإقناعه بك.
= حط أعمال سابقة مشابهة للمطلوب منك .
= شارك أفكارك مع العميل .
= دور علي البيزنس أو العميل دا أون لاين , علشان يحس أنك فاهم , وانك عارف 
مشروعه كويس .
= أظهر الحماس في كلامك .

= أطلب سعر مناسب ونفذ في وقت قريب ,   وخد فكرة عن الاسعار الموجودة في السوق قبل ما تتفق مع العميل .

3- خلي بروفايلك قوي , وصادق , ومختصر , وخالي من الاخطاء , وحدد خبرتك به بوضوح بدون مبالغة ولا تقتير .

4- اهتم بالتقييمات ورضا العملاء بتوعك , وحاول تفهم العميل عايز إيه ودماغه رايحة فين يعني ريح عميلك بس بالعقل مش يقولك يمين يمين شمال شمال زي البطيخة . وحاول تخلص الشغلانة بسرعة قبل معادها .

5- الصبر . 

6- دوّر علي شغلانات في مجالك أيا كان يدوياً , لو مش عارف يعني إيه يدوياً دور عليها , ولو مكسل تدور عليها إعرف أنك مش هتنجح , لان الشغلانة دي عايزة إجتهاد.

7- لا تكتفي بموقع واحد .

8- تعامل مع مواقع العمل بجدية تامة . 

9- تعلم الجديد في مجالك وطور مهاراتك . 

10- العبادات وفعل الخير, ودي المفروض أول حاجة , وأهم حاجة علشان تنجح في أي شئ في حياتك مش بس الفريلانس .